文章
相簿

軟雪糕&波板糖

波板糖試用Huggies貼心100日系列

Vanlily Cake 於 2013年12月04日發表   人氣:2391


波板糖轉眼就五個月大啦

越來越好玩,除了逗他會笑,又會eeoo咁同你對答,仲不停反身轉轉轉, 捉都捉唔住
唔知點解, 每次同佢講"豬腸粉, 魚蛋, 燒賣"佢都笑到咔咔聲~ 好搞笑!!!

回想起初初出世, 都好似是琴日的事咁…..
還記得波板糖剛出世時, 一舊飯的, 不是訓覺就是食奶, 我仲同老公講: 細佬似唔似”他媽哥池”? 哈哈
到了2個月大識得向媽媽微笑, 終於感覺到辛苦有回報啦~


百日宴我們只是簡簡單單一圍枱兩家人食飯, 媽媽做了個烏結橙醬蛋糕慶祝~ 爸爸買了一對米奇的老爺車放上蛋糕, 就好似兩兄弟咁呢~

4個月來仍然是埋身餵全母乳,3-4個鐘食一餐,由初生時每餐要食35-40分鐘到而家10-15分鐘就搞掂,真係勁方便

夜奶在個幾月大時都戒左啦!隔6個鐘先食,不過有時都會隔4個鐘就扭一扭,但我訓係度餵所以都唔會太辛苦

人奶bb換片的次數比較多,換片的次數亦比較多,不過媽媽有幫軟雪糕哥哥換片的經驗,現在到波板糖簡直快靚正啊!

初生bb皮膚好敏感, 好彩波板糖沒有這問題, 不過我仍會小心選擇尿片的質料

有時一除尿片, 佢地就會有v v出, 所以一定要用大張和薄身的尿墊, 咁即使要洗都可以快d乾, 而且仲要預備定多2張作替換啊!!!

有時更會同老公”合作”, 一個除片, 一個著片, 以最快速的時間去防止尿墊整濕~ 有換片比賽我地應該都可以入圍啊~ 哈哈!!!!

哥哥亦好照顧&愛錫細佬, 每次換片, 哥哥都會自動自覺去拎片片同濕紙巾!!! 然後我們一邊逗細佬玩一邊玩片,一家人都將換片的時間變成親子活動呢~ 哈哈!!!

近日pr送左Huggies 貼心100日系列的尿片比波板糖試用,感覺很良好呢
是專為初生bb而設的, 有3個size, NB零碼, NB一碼及S碼

SIZE分得更細緻, NB零碼仲係Huggies獨有,更fit bb 身型, 波板糖之前用既其他尿片size都有過大的現象, 感覺好大舊, 著起甲乸衣都無咁靚仔啊~ 哈哈!

最鐘意佢有個立體防漏背小袋設計,poopoo 同vv唔怕從後漏出,我唸每個媽媽都有poopoo太多而整到成件衫都係的經驗。


加上有1000+超吸氣孔,可以快速吸收尿液及稀便,的確試用左Huggies後, 波板糖都無試過有漏vv同poopoo的情況呢!
加上有螺旋壓紋設計,可以減低肌膚接觸面積,透氣舒適!


令波板糖訓覺時更加甜呢

 


上一篇:可口可樂主題餐廳@Disneyland

下一篇:有機Skin care – Nest Beauty


本BLOG人氣文章

www.vanlilycake.com
YEAH!!! 終於可以做到自己的網址啦..
蒸蛋糕@東芝變頻色蒸氣微波爐
新爐實在太多食譜想試, 先來一個簡單但不..
繼食譜書後, 第二本新書已經出左啦~ ..
東芝變頻式蒸氣微波爐@功能篇
之前在abc cooking studi..
東芝變頻式蒸氣微波爐@abc cooking studio
好開心得到香港東芝變頻式蒸氣微波爐的邀請..
butterfly cupcake
蝴蝶很美吧?是用威化紙做的,再用..

Vanlily Cake

喜歡甜, 希望以甜來分享愛! 新書已面世~ Vanlily Cake Workshop 亦提供各類型烘培課程! 更多資訊到 www.vanlilycake.com


最近的POST
累計瀏覽次數: 6,808,817
所有文章: 1,745
本日訪客人數: 1,277
累計訪客人數: 3,401,272