文章
相簿

貝印蛋糕比賽

貝印蛋糕比賽 -- 【當日比賽花絮】

Vanlily Cake 於 2007年02月06日發表   人氣:438



睇完我既作品, 又睇完人地既作品, 係時候睇下當日既花絮喇~

當日下午2:00-5:00進行比賽~ 不過1:00就可以入埸準備, 我地其實12:00就到左新世界中心, 仲係UCC食埋Lunch先進場~

我真係要先多謝我既陳生, 佢全程係度幫我地影相, 又幫我打氣做我地既定心丸!! 而且今次批相係超水準咁好(平時佢唔手震已經要偷笑喇!)

(下圖) 比賽場地同我地既工作枱! 其實一入門口既左手面就係我地, 地方都幾open, 所以成日都好多人望來望去啊~ 早知叫你地都來同我打下氣喇~

(下圖) 因為工具同材料都係要自己帶去, 右邊個幾袋先係我地既~ 我地無唸過要帶個喼去咁誇張~

(下左圖) 點解大B苦哂面口? 因為我問佢數學題囉~~ 因為我個食譜係朱古力海綿蛋糕, 但我今次要整原味, 所以我要佢幫我將朱古力粉加上低粉既總克數囉~ 結果...佢都答到!!

(下右圖) 睇下我地整整下個蛋糕, 都要陳生幫我地影相就知我地全程都好輕鬆好開心~ haha!! d生果係大B好有心機一粒粒咁砌嫁~ 不過之後佢知道原來係做個餅芯而唔會比人睇到個時, 佢好失望~

(下圖) 好鐘意呢2張相, 影到大B鬼馬&認真製作既一面

(下圖) d相真係要讚下陳生!! 睇下大B幾為食?! 不過我放梗金萡個時, 好多人都過來望住~ 問我點解用金萡咁落本?! ar...其實我想同佢地講, 我個塊金萡都係$12, 仲要用唔哂, 相比之下, 我覺得個raspberry仲貴囉!!

左手邊個張相我超鐘意~ 好有代表性!! 我決定要放落我BLOG既個人照片到!!yeah!

好喇, 太約到4:00到, 大部份參賽者都已經完成, 並開始收拾個"爛灘子", 我地都係差唔多4:15到完成~

跟住到5:00, 大會就將9個蛋糕放哂係埸地既中心, 好壯觀啊!! 我一見到咁多蛋糕, 就好似置身於酒店既甜品自助餐咁, 好想快d試下佢地既作品~

(下圖) 大家企番係自己既作品面前, 來個大合照先~



(下圖) 工作人員開始切開一件件比評判試食~ 我地個個係最後試食既! 大b不停叫: 唔好切啊~~ 唔好切我個蛋糕啊~ 因此佢真係比左好多心機整, 而家咁樣比人解體, 佢實唔捨得!

其實蛋糕都係做出來比人食, 唔係比人擺嘛。食完下次咪再做過囉~ 仲可以做個再靚d既tim! 我係咁同佢講

(下圖) 到評核試食我地個個喇~ 好緊張啊!! 佢地又無咩特別反應喎~

公告賽果喇~~講完公開組, 到中學組, 最後到親子組~ YEAH!!YEAH!!YEAH!! 你睇下我同大B幾開心!! 影相個時, 本來塊板遮住大B嫁!! 好彩佢都識"桔"個頭出來!! 後尾大B都攞住個張Check番屋企, 入門口個下都不知幾威啊!?

大家再來個大合照~~ cheer~


就係咁, 個比賽係6:00就完滿結束~ 第一時間, 我就Send sms同打電話比各方好友喇! (但唔知點解有d人又收唔到我個sms喎~) 跟手個電話又比我打都無電!!

我同大B而家就準備心情, 係

3月25日(星期日)出發 去東京 喇 (大獎係由貝印公司送出既 4日3夜來回東京機票連酒店 ) , 而最緊要既就係, 係 3月26日 (去到既第2日) , 即係我地得獎個3組人, 會 出席第13屆貝印全日本蛋糕製作大賽作即場示範 (唔係比賽, 但日本個邊就要好似我地今日咁比賽一次喇)~

嘩~~ 係日本仔面前示範整蛋糕啊~~ 呢世女最威都係今次喇!!

係度, 我真係要多謝你地既支持~

多謝陳氏家族宗親會各員~

多謝Yan姐做我既Art Director~

多謝我既fans~

多謝Parco~

多‧謝‧哂!!!

 


上一篇: 比賽後的剩餘物資 【Barries Tart】

下一篇: 貝印蛋糕比賽 --【其他參賽作品全面觀】賽果公告


本BLOG人氣文章

情人節系列 - Mocha 唧花曲奇
情人節有乜野快靚正? 首推唧花曲..
Happy 2018
真係好耐無寫blog啦~  ..
蒸蛋糕@東芝變頻色蒸氣微波爐
新爐實在太多食譜想試, 先來一個簡單但不..
繼食譜書後, 第二本新書已經出左啦~ ..
東芝變頻式蒸氣微波爐@功能篇
之前在abc cooking studi..
東芝變頻式蒸氣微波爐@abc cooking studio
好開心得到香港東芝變頻式蒸氣微波爐的邀請..

Vanlily Cake

用甜來分享愛! Vanlily Cake 希望每個人, 包括血醣過高的, 有蛋奶及麩質敏感的論, 都能品嚐甜蜜的味道


最近的POST
累計瀏覽次數: 7,053,325
所有文章: 1,746
本日訪客人數: 608
累計訪客人數: 3,633,537