文章
相簿

大蛋糕(2005-2009年)

集體回憶...2005年【大細B的生日蛋糕】

Vanlily Cake 於 2007年02月28日發表   人氣:458


成品日期: 19 Feb 2005

上次講過我開始學整餅係02年陳生送我個寶貝焗爐開始, 但其實係02-04年個時, 我仲係一個超忙 & 超手緊既低級打工仔 + part time 學生一名! 所以都無咩機會(梗無咩錢) 好似而家咁, 日日開爐~ 個時只係整下d 曲奇啊~ muffin啊咁~ 唔簡單都唔整~ (應該係話難個d都唔識整!)

呢3個蛋糕岩岩好係2年前, 2005年既作品!!!  琴晚同小堡主講佢話要參加個小朋友既mcdondon birthday party, 我叫佢整個生日蛋糕比d小朋友開心吓~ 點知講吓講吓, 我又回憶番2年前我呢2個驚天地泣鬼神既偉大傑作!

當時, 我真係咁認為~

2005年年初, 大細B話要係Mcdondon到開生日party(佢地2個生日只係相差一個月), 仲要我整2個蛋糕去壓場~ 嘩!!!! 個時我未試過整一個正正式式可以見得人既蛋糕嫁喎!!!!! 仲要係比成二三四十個人食既tim??!!! 唔係化???!!!!!

先講下細B個個楊枝金露布甸蛋糕
(上圖): 楊枝金露勁呢?! 梗係勁喇! d楊枝金露我係係鴻福堂到買嫁! 番來整熱少少佢再加魚膠雪凍, 搞掂!!!

咁點解要上層cream呢?! 因為當時天真無知既我, 一直都認為, 有cream係面既先叫可以出做出得大場面既蛋糕, 而且小朋友係鐘意呢個外型既~ 我仲特登買左d糖霜公仔(好鬼貴嫁~)放上去扮哂蟹係小朋友蛋糕~

個時, 我真係認為呢個好靚~~

而家睇番....真係笑死我喇~ 你睇我d朱古力碎放到咁都知咩事喇~ 如果唔係有d士多啤梨係度做做掩眼法, 我絕對相信呢個蛋糕係唔見得人囉!

登登~ 到

大B既什果蛋糕 (上圖): 入面係朱古力海綿蛋糕(用乳化油做), 加d什果咁樣實好食~~

個時, 我都認為呢個好靚~~

而家睇番....咪玩喇~咁都覺得靚?! 個時點解會用火龍果呢?! 點解會有提子呢?? 點解會可以咁整齊咁排到一個個圓形咁咁整齊咁勁呢?!????

如果個時我有開blog, 我會點寫呢個蛋糕呢?! 應該會係咁 --->

" 今日係大細B生日, 我地去左Mcdondon...............個蛋糕我自己好滿意啊~ 大家都好鐘意我呢個第一次既蛋糕, 好開心啊~"


其實係mcdondon生日會之前, 大B正日生日(1月份)都有整過一個(上圖)

(其實正確來講, 呢個先算係第一個正式生日蛋糕!)

朱古力mousse蛋糕, 但大家都睇得到我當時既style: 係要keep住抆cream、keep住加生日牌、keep住用掩眼法!! 仲有....大家要睇清楚我個d唧花!!!!!!!

唔好笑得咁大聲!!

 

究竟我以後既蛋糕幾時先識唔再抆cream呢?! 究竟我以後既蛋糕幾時先唔會用圓碌碌既生果波呢? 好彩個時有影到相~ 你地想知、想睇、想笑既話, 就多d來留意下喇!

 


上一篇: 點解會有【Vanlily BreaDessert Blog】的誕生 ?!

下一篇: 澳門美食之介紹 【文華東方餅店】


本BLOG人氣文章

情人節系列 - Mocha 唧花曲奇
情人節有乜野快靚正? 首推唧花曲..
Happy 2018
真係好耐無寫blog啦~  ..
蒸蛋糕@東芝變頻色蒸氣微波爐
新爐實在太多食譜想試, 先來一個簡單但不..
繼食譜書後, 第二本新書已經出左啦~ ..
東芝變頻式蒸氣微波爐@功能篇
之前在abc cooking studi..
東芝變頻式蒸氣微波爐@abc cooking studio
好開心得到香港東芝變頻式蒸氣微波爐的邀請..

Vanlily Cake

用甜來分享愛! Vanlily Cake 希望每個人, 包括血醣過高的, 有蛋奶及麩質敏感的論, 都能品嚐甜蜜的味道


最近的POST
累計瀏覽次數: 7,133,684
所有文章: 1,746
本日訪客人數: 96
累計訪客人數: 3,710,465