文章
相簿

貝印蛋糕比賽

東京開心之旅 – 日本貝印蛋糕比賽 作品篇

Vanlily Cake 於 2007年03月31日發表   人氣:448


日期: 26 Mar 2007

大家一定係最心急睇人地既作品喇~ 當然喇!!! 今次既旅程, 呢一part都係我最期待嫁!!!

因為所有蛋糕係比大會會影哂相 à 比評審試食完 à 先到我地食, 所以好多相都影唔到個真身”, 大家要用將就下!!

(仲有.....如果你地識日文就幫我譯番個名喇~ 唔該哂!) (多謝blogger--天使, 幫我譯左幾個名~yeah)

↓公開組冠軍 紅酒燴梨布甸


唔係個翻譯講, 起初我真係唔信….呢個會係冠軍~  但食過之後就真係唔同講法!

我唔食紅酒燴梨嫁! 但係呢個加埋上個布甸, 好滑好香, 2樣一齊食可以balance到個味! 冠軍真係實至名歸嫁!


↓公開組亞軍 朱古力蛋糕

個面既花花係即場焗既曲奇餅, 蛋糕係類似brownies, 都幾好味嫁~

↓公開組季軍   癒xx花

因為試食個時人太多, 佢地整既蛋糕又鬼死咁細個食唔到, 又唔記得係咩來~~

↓中學組冠軍 栗子蓮藕


我所指既amazing, 就係呢個餅喇! 個蛋糕除左栗子、蓮藕, 仲有椰絲, 同蕃茄乾!!! 係咪估唔到有咁既組合?! 但個蛋糕真係好好味~ 感覺好新鮮!!!蕃茄乾令我留下深刻印象!

仲有佢既作品仲比ANA酒店選中左, 可以係酒店既Cake shop10~~ (可惜我走個時, cake shop都仲未有貨! 食唔番個好味蛋糕!)


↓中學組亞軍 蘋果芝士豆腐梳乎厘

haha 又係唔記得個名, 咁細個蛋糕我分到….一啖仔食下, 食唔到咩味! 不過感覺都幾好~

↓中學組季軍 – 雜錦維他命蛋糕

又無食過.....我見到係綠茶蛋糕, 入面有饀.....sorry....真係唔知....

↓親子組冠軍 旋轉木馬

oh~ 係同我個idea一樣既餅啊~ 一樣係攞到冠軍~ raspberry mousse, 味道ok~

個囡囡同阿媽個樣成個餅印咁嫁~ 不過個囡囡好cool, 仲對阿媽好惡下……

↓親子組亞軍 – 由童話書走出來的"3隻小豬"

蛋糕無食過~ 呢組比賽時排位就係正我後面, 個仔仔超超得意超超可愛, 又好玩~ 上台攞獎個時仲好有表演欲, 笑爆~

↓親子組季軍 SURPIRSE! 布甸a.la 蛋糕

呢個都無食過~

↓Vanlily 作品

到我整個個喇~ 係上面個朱古力片調溫做得唔夠好, d用唔到同比較軟身~ 不過最後都叫做順利過關! 試食個時, 我見d人攞哂macaroon都唔要個有成塊金萡既士多啤梨, macaroon果然係日本大熱!!

↓最後我覺得全日最最最最最amazing, 就係【小朋友畫蛋糕】part~

佢先會播條片, 講下呢個老師點樣揀出當中3幅小朋友畫既畫, 再播埋個老師做蛋糕過程~ 跟住個小朋友係我地比賽當日, 親手打開個盒, 睇住自己幅畫變成一個蛋糕, 仲要當住咁多人面前做第一個試食

~~場面真係好令人感動~~ 如果試食個個係我, 我實喊到傻都似啊!

(因為影得相個時, 蛋糕已經比個小朋友同佢地家人分享左, 所以個蛋糕唔係咁完整)

↓呢個係最靚既天使蛋糕, d雲係用一卷卷既棉花糖整嫁~ 天使用迷你雪糕筒 + puff~ 真係amazing~

↓仲有呢個係雪人雪糕, 特別一提既係, 雪人既頸巾係用魚膠啫喱整既~ 成個都食得!


↓最後係由一個3歲小朋友畫既獅子~ 咁樣畫到一pat, 佢都整到! 真係勁啊!



睇完呢個小朋友畫既畫變成真實蛋糕, B即刻問我邊到有參加表格, 佢都好想畫~ B又就即時問我攞左支筆, 即刻劃左隻兔仔同貓仔都係一樣樣既比我, 叫我整個蛋糕比佢!!! hahaha

日本貝印蛋糕比賽...待續...花絮篇

 


上一篇: 東京開心之旅 -- 日本貝印蛋糕比賽 花絮篇

下一篇: 東京開心之旅 -- Summary


本BLOG人氣文章

Happy 2018
真係好耐無寫blog啦~  ..
www.vanlilycake.com
YEAH!!! 終於可以做到自己的網址啦..
蒸蛋糕@東芝變頻色蒸氣微波爐
新爐實在太多食譜想試, 先來一個簡單但不..
繼食譜書後, 第二本新書已經出左啦~ ..
東芝變頻式蒸氣微波爐@功能篇
之前在abc cooking studi..
東芝變頻式蒸氣微波爐@abc cooking studio
好開心得到香港東芝變頻式蒸氣微波爐的邀請..

Vanlily Cake

用甜來分享愛! Vanlily Cake 希望每個人, 包括血醣過高的, 有蛋奶及麩質敏感的論, 都能品嚐甜蜜的味道


最近的POST
累計瀏覽次數: 6,833,059
所有文章: 1,746
本日訪客人數: 561
累計訪客人數: 3,424,576