文章
相簿

Travelling @ somewhere(2005-2009年)

台北7天之旅 -- 士林, 市政府, 中孝敦化, 永康街

Vanlily Cake 於 2008年04月22日發表   人氣:615


講到台灣美食, 一定要去士林喇~ 我地仲連續去左2晚!!

我地係以"邊到多人排就食邊間"為原則, 結果係........成功既!!

↓真係大過我塊面既豪大大雞排啊! 大腸包小腸, 即係糯米包腸, 好味但好飽肚! 炸臭豆腐唔錯, 個蚵仔煎仲好味! 即係煙un版既蠔餅!

紅燒臭豆腐就麻麻喇! 係煮既!! 魯肉飯又平又好味! 綜合煎即係蚵仔加蝦仁, 正!

大包包小包我4年前來已經一試難忙, 一定要食紅豆味! 綿花冰真係好綿花啊! 青蛙下蛋就怪怪囉! 花生捲雪糕包, 用下等材料做的, 少有的難吃!

↓呢2間生煎包都超掂! 尤其原上海生煎包, 好多汁, 個皮又脆! 多人排隊既實無屎! 甜不辣其實即係關東煮加上甜辣汁, ok!

市政府站的101大樓, 4年前來岩岩新開, 4年後來都一樣無野睇! 要俾HK$100先上到頂樓, 真係byebye先喇!

呢度附近個三越都無乜野睇! 不過誠品書店就好大好新! 平日來無乜人, 睇書好正啊!

行過Neo19, 搵到間任食sabu sabu既 Mo-Mo-Paradise~

午餐任食日本空運牛肉&豬肉, 每人只係$80, 仲有蔬菜果汁都係任點! 好抵啊!

雖然第二輪既質數已經係次級, 但我地total都食左9碟啊! 賺哂!

忠孝敦化站有間橘子工房, 下午茶任食蛋糕, 每人只係HK$55

蛋糕雖然唔係酒店級數, 但絕對唔會將價就貨~~~ 好難解釋, 但我真係食到廚師既用心製作!! 很令人感動!

除左甜品, 每隔15mins到, 就會有出爐美食, 有意大利飯, 薯條, 粟米湯等! 真係好抵食啊!

永康街, 即係好出名既鼎泰豐個度! 記得4年前就係食過佢既小籠包就愛上如此美點, 可惜今次去就有點失望了.....

蟹粉小籠包(10個hk$80), 還可以吧! 唔甘心再叫番個原味小籠包(5個hk$25), 味道仲好! 芋蓉包&豆沙包個餡好正, 但個皮好un.......

最好味的還是呢間...冰館!

幾大個芒果刨冰都係hk$40咋~ 陳生仲揀左個甘桔青檸雪葩, 好夠味啊!

 


上一篇: 台北7天之旅 - 拍攝婚紗照花絮

下一篇: 台北7天之旅 -- 北投, 淡水


本BLOG人氣文章

情人節系列 - Mocha 唧花曲奇
情人節有乜野快靚正? 首推唧花曲..
Happy 2018
真係好耐無寫blog啦~  ..
蒸蛋糕@東芝變頻色蒸氣微波爐
新爐實在太多食譜想試, 先來一個簡單但不..
繼食譜書後, 第二本新書已經出左啦~ ..
東芝變頻式蒸氣微波爐@功能篇
之前在abc cooking studi..
東芝變頻式蒸氣微波爐@abc cooking studio
好開心得到香港東芝變頻式蒸氣微波爐的邀請..

Vanlily Cake

用甜來分享愛! Vanlily Cake 希望每個人, 包括血醣過高的, 有蛋奶及麩質敏感的論, 都能品嚐甜蜜的味道


最近的POST
累計瀏覽次數: 7,055,005
所有文章: 1,746
本日訪客人數: 497
累計訪客人數: 3,635,163